Detective skills

Abhi kuch din pehle mere father ne apni chabhi ki gucha bhula di thi. Pichli raat ko hi Sherlock holmes ki movie dekhi thi, jis wajah se yeh sunte hi ki chabhi ka gucha kho gaya hai, mere andar ka Sherlock holmes jag utha. Uski kisi bhi cheezo ko khojne ka tarika meri zahan mein duad utha. Maine pucha kya aap bata sakte hai ki aap kaal kahan kahan gaye the ek dum subha uthne ke baad aur mein ek pen paper lekar khada ho gaya. Unki reply thi ki main to kal sara din tumhare saath hi tha tumhari gadi mein. Pehle hum log market gaye fir dopahar mein botanical garden aur fir wapas ghar aa gaye the. Main ye socha ki chalo investigation first humlog car se hi suru karte hai aur kyon ki pichli raat humne sherlock homes ki movie dekhi thi to I insisted ki har koi gloves pahan le. Is par hamari patni ne kahan ye kya bewakufi hai itni garmi mein woolen gloves aur wo bhi chabhi khojne ke liye. Aaj tak kabhi kisise suna hai ki koi cheez khojnee ho too gloves pehenta hai koi. Tum ye detective movies dekhna band karo aur dhang ki movies dekha karo. Dhang ki movies unki type ki jo total filmi ho. Hum ne khoj suru ki, car ki har kona khoj dala mat ke niche, seat cover bhi nikal kar dekha liye par aur hamari khoj ka pehla saman nikla ek mobile charger jo hamen do din pehle sara ghar chaan mara tha aur nahi milne par nayi kharidni padi thi, aur isse pehle ki hamari aptni ji ki nazar padti wo maine apne pant ke bade se pocket mein dal li.

Doosri jo hamari khoj ka natija tha wo tha cold drinks ki bottles aur abhi kuch din se mujhe khasi ne jakad rakha hai, to siise pehle dono suru ho mera matlab mera father aur hamari patni ji ki khasi hai aur cold drink pite ho and all other statement jo ki ek patni aur pita jo ish pe ek team ban jate hai se chupana bhaut hi zaruri tha. Hamari khoj jari rahi aur bahut si cheze aur mile kuch pink digestive tablet, tuti hui lipstick, teen pen, aur bhi kafi saree chezen lekin jiski talash thi wo nahi mila sur wo tha hamare pitashree ki chabhi ka guchcha .

 Tabhi hamari patni ji ne kaha glove compartment mein dekh lo. Maine kaha aree bhai koi chabhi glove compartment mein kyon rakhega, aab kyon ki ish tarah ki khoj Sherlock holmes ke assistant mr. Watson karte hai kahin bhi kuch bhi dudhte hai. Wo hamari hindi mein kahawat hai ne chukka mein hathi dunhna thik usi tarah Watson sahib karte hai. Aur jab hamari patni ne kaha ki aap glove compartment mein kyon nahi dekhte to thoda ajib laga lekin glove compartment khlolte hi ek samne wo chabhi ka guchcha jiski talash mein hum do log pichle do ghante se car ki safai kar dali to maine pucha tumhe kaise pata ki chabhi yahan hogi. To uski jhat se jawab ki maine papaji ko dekha tha rakhte hau, to pehle kyon nahin bataya, to hamari doosri half ka jawab tha actually hamri car kafi dino se gnadi padi thi to socha appka thoda detective test ho jaye sath sath hamari gadi bhi saaf ho jayegi.